ЖУУлчны баазын эко менежментРедакцийн зурвас
Эрхэм хүндэт уншигч та бүхэндээ Төмөр бар жилийн сар шинийн мэндийг айлтгаж шинэ оны шинэхэн дугаараа толилуулж байна. Редакцид маань хандсан зуу зуун хүсэлтийг хүлээн авч биелүүлэхийн төлөө хичээн зүтгэх нь манай хамт олны үүрэг гэж үзэж сэтгүүлээрээ дамжуулан та бүхэндээ хүсэлтийн тань хариуг илгээдэг билээ.
Жилийн энэ улиралд Монголын аялал жуулчлалын компаниуд дотоодын болон олон улсын үзэсгэлэн худалдаанд оролцож нэр хүндээ өсгөх, шинэ хэрэглэгчид татаж зах зээлээ тэлэх, хуучин харилцагчидтайгаа гэрээгээ шинэчилж аяллаа баталгаажуулах гэсэн хамгийн завгүй үе байдаг. Тэдний энэ их ажил хөдөлмөрийг өчүүхэн ч гэсэн хөнгөлж хувь нэмэр оруулах зорилгоор өмнөх дугаартаа бид олон улсын аялал жуулчлалын үзэсгэлэн худалдаанд оролцоход хэрэг болохуйц зөвлөгөө, мэдээлэл бүхий дугаарыг гаргасан билээ. Харин энэ удаад аялал жуулчлалын хамгийн ачаалалтай улирал дөхөж, эхний аяллын жуулчдаа хүлээн авах бэлтгэлээ хангаж буй Монголын аялал жуулчлалын үйлчилгээний салбарын томоохон төлөөлөл болох жуулчны баазуудын талаар голлон дугаараа бэлтгэлээ.
Жуулчны бааз гэсэн сэдэв хөндөгдөхөд хамгийн түрүүнд “шинэ, сайн, сайхан жуулчны бааз цогцолборууд хэрэгтэй байна” гэсэн яриа хөндөгддөг. Гэтэл энэ талаар яриад хэрхэн сайн сайхан бааз шинээр байгуулах тухай бичээд үр дүн нь төдий л хангалттай биш байна. Тиймээс бид энэ хөндөгдөөд буй сэдвийг нөгөө өнцгөөс нь харж байгаа зүйлээ хэрхэн сайжруулж тэр яриад байгаа “сайн сайхан” гэсэн тодотголд хүргэх талаар анхаарлаа хандуулсан юм. Аяллын зам зуурт энд тэндгүй цайран харагдах гэрүүд зарим газарт даац нь хэтэрч холоос харахад тараагаад хаячихсан хог мэт үзэгдэж байгаа нь аялал жуулчлалын салбарт энэ төрлийн үйлчилгээний бизнес эрхлэгчид багадаагүй гэдгийг харуулж байх шиг. Гэтэл эдгээрээс харилцагчдынхаа хүсэлтийг хангаж, чанартай сайн үйлчилгээ үзүүлж байгаа нь хэд бол гэдэг бас сонирхолтой.
Гэхдээ бид энэ удаад жуулчны баазуудын ажил үйлчилгээний сайн, мууг дуудаж шүүмжлэл асуудал дэвшүүлэх гэсэнгүй. Харилцан туршлагаа хуваалцаж байхгүйгээ байлгаж, чадахгүйгээ чаддаг болоосой гэсэн ганц зорилгыг агуулан нийтлэлүүдээ хүргэж байгаа юм.
Бидний хүсэлтийг хүлээн авч өөрсдийн мэдлэг туршлагыг хуваалцсан нийт хүмүүстээ чин сэтгэлийн угаас талархаж байгаагаа сэтгүүлээрээ дамжуулан хүргэж байгааг хүлээн авна уу.
Монголын аялал жуулчлалын хөгжил та бидний оролцоо, сэтгэлээр улам хөгжин дэвших болтугай.
АЖТХ сэтгүүлийн хамт олон
Нийтлэл /6 нүүр/
Монголын Жуулчны Баазуудын Бизнесийн Шинэтгэлийн Стратеги:
Асуудлууд ба Гарцууд[1]
Монголын Жуулчны Баазуудын хөгжлийн түүх:
Монголын жуулчны баазуудын хөгжлийг үечлэн үзвэл өнөөг хүртэл гурван шатанд авч үзэж болмоор байдаг. Нэгдүгээрт, Монголд жуулчны баазын тэргэн зам тэрлэгдсэн үе. Хоёрдугаарт, Жуулчны баазуудын ялгаран тархсан үе. Гуравдугаарт, Жуулчны баазуудад өөрчлөлт шинэчлэл нэхэгдсэн үе хэмээн хөгжлийн хэв шинж, агуулга талаас нь үечлэн үзлээ. Эхний үе бол ...
Жуулчны баазуудын үйл ажиллагаан дах анализ:
Монголд жуулчны баазын үйл ажиллагаа анхлан хөгжсөн эхлэл жишгээс хамаараад нэгэн хэвийн дуураймал баазууд тархсан ч хөгжлийн 2-р үеэс эхлэн бүтээгдэхүүний болон зах зээлийн ялгаралууд жуулчны баазуудын дунд бүрэлдэж эхэлсэн юм. Тухайлбал, “Гурван тэмээ”, “13-р зуун цогцолбор”, “Монголын Нууц Товчоо”, “Хаан Жимс”, “Онгийн Нууц”, “Dream Land” зэрэг бааз, цогцолборууд, “Terelj Hotel”, “Hotel Mongolia” зэрэг хот орчмын ресорт газрууд хувийн томоохон хэмжээний хөрөнгө оруулалтаар босч, тус тусын онцлог давуу талууд бүхий өнгө аясаараа манай салбарт хүч, хөг нэмж сүндэрлэсэн нь ...
Монголын жуулчны баазуудын бизнес шинэтгэлийн зарим алхамууд
Энэ бол амаргүй асуудал бөгөөд зөвхөн жуулчны баазуудын хүрээнд нь тухайлан шийдэгдэх ч юм биш. Монголын жуулчны баазуудын хөгжил шинэтгэлийн тухай асуудал бол угтаа манай салбарын өөрийн хөгжлийн шинэ үе шат, бодлого менежментийн өөрчлөлтөөс ихээхэн хамаарна. Өдгөө манай үндэсний соёлын дархлаа, амьдралын хэв маягыг хадгалагч монгол гэрийг аялал жуулчлалын үзмэр үйлчилгээ, байршуулах хэрэгсэл болгож буй 8 орон байна.
МЭДЭЭ, МЭДЭЭЛЭЛ /9 НҮҮР/
Байгаль орчин, аялал жуулчлалын яам МЭДЭЭЛЖ БАйНА.
боажя-наас 2009 онд хийсэн томоохон ажлууд
Байгаль орчин, аялал жуулчлалын яамнаас 2009 онд аялал жуулчлалын чиглэлээр дараах бодлогын ажлуудыг хийж хэрэгжүүлээд байна. Тухайлбал:
- “Аялал жуулчлалын үндэсний төв”
- “Аялал жуулчлал” үндэсний хөтөлбөр
- “Аялал жуулчлалын тухай хуульд нэмэлт, өөрчлөлт оруулах хуулийн төсөл боловсруулах”
- “Тусгай хамгаалалттай газар нутагт аялал жуулчлал хөгжүүлэх хөтөлбөр”
- Амралтын газар, жуулчны бааз, гэр буудлын стандартын төсөл
- “Хархорум-13 дугаар зуун” төсөл /эдгээрийн тухай/ ...
МОНГОЛ, ОРОС, ХЯТАД ГУРВАН УЛС “ЦАЙНЫ ЗАМ”-АА СЭРГЭЭЖ БАЙНА.
Гэвч цайг тээвэрлэх аюулгүй бөгөөд хуурай газрын дөт замыг эрэлхийлэх үүднээс “Цайны зам”-ын анхны үүсэл тавигдаж энэхүү зам дээр Монголын Сэлэнгэ аймгийн Алтанбулаг сум /тухайн үеийн Маймачен хот/, Хятадын Цагаан хэрмийн дагуух Хаалган хот, Оросын Хиагт хот, Улаан-Үүд /тухайн үеийн Верхнеудинск/, Эрхүү, Москва хотууд нь гол худалдааны боомтууд болж байсан юм ...
ӨВЛИЙН ЦАЙНЫ ЖИН АЯЛАЛ ГАРААГАА ЭХЛЭВ.
“Цайны зам”-ыг сэргээх төслийн хамгийн анхны арга хэмжээг “Өвлийн цайны жин” нэртэйгээр хэрэгжүүлж эхэллээ. “Өвлийн цайны жин” аяллын гол зорилго нь хамгийн анх цайны жин эхэлж байсан маршрутын дагуу буюу Хятад улсаас эхлэн Монголоор дамжин Оросын Сибирьт цайны загвар, дээжийг хүргэх аяллыг зохион байгуулах, олон улсын аяллын шинэ маршрут гаргахад оршиж байгаа юм ...
МОНГОЛЫН АЯЛАЛ ЖУУЛЧЛАЛЫН СТАТИСТИК МЭДЭЭЛЭЛ
2008-2009 онд Монголд ирсэн гадаадын жуулчдын судалгаа, статистик мэдээлэл ...
Салбарын орлого ...
Харьцуулсан мэдээ ...
АЯЛАЛ ЖУУЛЧЛАЛЫН ҮНДЭСНИЙ ТӨВ-ийн хийсэн зүйлс ..
МОНГОЛЫН АЯЛАЛ ЖУУЛЧЛАЛЫН ХОЛБОО МЭДЭЭЛЖ БАЙНА.
International Travel Mart – 2010 Аялал Жуулчлалын Үзэсгэлэн
Аялал жуулчлал ба ажил эрхлэлт 2010 хөдөлмөрийн бирж
Монголын аялал жуулчлалынхан ӨМӨЗО-ны Хөлөнбуйр аймагт зочиллоо.
Энэхүү уулзалт аяллын үеэр талууд аялал жуулчлалын хамтын ажиллагааны өнөөгийн байдал, цаашдын чиглэлийн талаар санал бодлоо хуваалцаж, хөрш орны сайн анд нөхдийн хамтын ажиллагааны эх суурийг тавьсан нь чухал ач холбогдолтой юм. Аяллын хугацаанд Хөлөнбуйр, Манжуур, Хайлаар хотын аялал жуулчлалын гол бүтээгдэхүүнүүдтэй танилцаж, бизнес уулзалтууд хийсэн...
Өвлийн баяр 2010 фестиваль болов.
БСШУЯамтай хамтран соёл урлаг, аялал жуулчлалын боловсролын асуудлаар хэлэлцүүлэг зохион байгуулна
АЯЛАЛ ЖУУЛЧЛАЛЫН ТОГТВОРТОЙ ХӨГЖЛИЙН ТӨВ МЭДЭЭЛЖ БАЙНА.
“Олон улсын бизнест орон нутгийн оролцоо” төсөл
НИТАЖ-ын бүтээгдэхүүнийг үзэж сонирхох танилцах аялал зохион байгуулагдахаар боллоо /Европын жуулчин илгээгч компаниуд Монголд танилцах аялал хийхээр боллоо...
“Орон нутгийн иргэд, нөхөрлөлүүдийн аяллын бүтээгдэхүүн, үйлчилгээг зах зээлд борлуулах үйл явц, хүндрэл, гарах арга зам” сэдэвт сургалт
“ХҮННҮ соёлын өв судлал” Олон улсын эрдэм шинжилгээний бага хурал зохион байгуулагдана. /Сэлэнгэ аймгийн Мандал сумын ЗДТГ, Монгол улсын Шинжлэх Ухааны Академийн Археологийн хүрээлэн, Монголын Үндэсний Музей, Аялал Жуулчлалын Тогтвортой Хөгжлийн Төв, Ноён тур аялал жуулчлалын цогцолбор зэрэг газрууд хамтран ... / ...
Орон нутгийн иргэдийн бизнесийг дэмжинэ.
Сэтгүүлийн өмнөх дугаарт мэдээлсэн хариуцлагатай аялал жуулчлалын чиглэлээр хэрэгжиж буй “Орон нутгийн бизнес ба Аялал жуулчлалын хөгжил” төслийн үйл ажиллагаа амжилттай явагдаж байна. Төсөлд хамрагдсан 7 аймаг дахь (Архангай, Говьсүмбэр, Завхан, Өвөрхангай, Өмнөговь, Сүхбаатар, Ховд) Мерси Кор байгууллагын төлөөлөгчид болон БОАЖГ-ын мэргэжилтнүүд сумдад төслийн зарыг хүргэж сонирхсон малчид, иргэд, нөхөрлөлүүд, ТББ-уудтай холбоо тогтоон бизнесийн санааг нь дэмжин ажиллаж ...
ЗОЧИН /4 НҮҮР/ Монголын аялал жуулчлалын зочлох үйлчилгээний чиг хандлага, өнөөдөр
... Тухайлбал, зочид буудал, амралтын газар, жуулчны бааз, гэр буудлын стандартыг 2008, 2009 онуудад шинэчлэн боловсронгуй болгох ажлууд хийгдлээ. 2009 онд амралтын газар, жуулчны бааз, гэр буудлын стандартыг батлууллаа. Дээрх стандартын дагуу гэр хэлбэрийн байршлын хэрэгслийг стандартын дагуу зөв ангилж зэрэглэх, нөгөө талаар стандартыг судалснаар иргэн, аж ахуйн нэгж байгууллага ямар статустай байршлын хэрэгсэл байгууламж барих тухайгаа урьдчилан мэдэж судалсан нь энэ чиглэлийн бизнесийн салбарт хөл тавихад үр дүнтэй ажил болох ёстой юм.
Орчин үед Монгол үндэсний хэв маяг хадгалсан гэр жуулчны баазууд олноор байгуулагдах боллоо. Харин тэднийг ангилах, олон улсын түвшинд нийцэх үйлчилгээ үзүүлэхэд л анхаарах хэрэгтэй юм. Жуулчны баазууд нь дэд бүтэц муу, улирлын чанартай ажилладаг, мэргэжилтэй ажилчид дутмаг байгаад гол бэрхшээл байгаа юм. Иймд Аялал жуулчлалын үйлчилгээний дунд шатны ажилчдыг бэлдэх мэргэшсэн чиглэлийн коллеж сургууль бий болгох, энэ чиглэлийн үйл ажиллагааг бодлогын хүрээнд дэмжих төсөл хөтөлбөр хэрэгжүүлэх, боловсон хүчний чадавх сайжруулах, ажлын байраар хангах асуудлыг бодлогын хүрээнд авч хэрэгжүүлэхээр төлөвлөөд байна ... БОАЖЯ-ны Ахлах мэргэжилтэн Ц.Нарантуяа
“Нууц Товчоо” ХХК-ийн захирал С.Ундармаа: “ОЛОН УЛСЫН ЧАНАРЫН ЖИШИГТ хүрсэн жуулчны баазыг бий болгоход бидэнд хөдөлмөрч чанар л дутагдаад байна уу даа”
... Монголын нүүр царайг гундаахгүй, үйлчлүүлэгчдийнхээ сэтгэлд хүрсэн үйлчилгээг үзүүлж чаддаг цогцолбор болгох зорилго тавьсан. Манайхан жуулчид гэхээр илүүдээ гарсан хөрөнгө мөнгөтэй баячууд ирдэг гэсэн өрөөсгөл ойлголттой байдаг. Тэгээд Монголын гэсэн юм бүхэн тэдэнд сонин содон тиймээс байгаагаараа л байж тэр бүхнийгээ жуулчдад харуулна гэдэг. Гэтэл жуулчид гэдэг бол хүн, тэдэнд хүний анхан шатны хэрэгцээ болсон тавтай амарч унтах ор дэр, хүч тэнхээг нь сэлбэх хоол унд, тухтай бие засах газар зайлшгүй хэрэгтэй. Энэ бүгд үгүй бол ядарсан, өлссөн, тухтайхан ч бие засаж чадахгүй байгаа жуулчин яаж тухайн орны сайн сайхныг олж харж сэтгэл хангалуун аялах вэ дээ ...
- ... За тэгээд дадлага туршлагатай ажилтан, боловсон хүчнээр байнга дутагддаг. Гэхдээ бусдын сайн сайхан, ая тухтай амралтын төлөө бүхнийг зориулж чадах, хүнлэг сэтгэлтэй ямар ч хүнд мэргэжлийн ур чадварыг эзэмшүүлэн сургаад авч болно. Тийм хүүхдүүдийг таньж олох нь амаргүй ажил байдаг. Тур оператор компаниудын үнийн дарамт, үйлчилгээний хөлсөө цагт нь өгдөггүй, элдэв шалтаг хэлж танаж хасдаг байдал, ёс зүйгүй жолооч, орчуулагчийн бусдыг дорд үзэж бардамнадаг дээрэнгүй зан, шалгаж хянахын хажуугаар далимд нь амарч наргих гэсэн төрийн албан хаагчдын цуваа гээд л тоочвол бэрхшээлүүд их бий. Гэхдээ энэ нь ч болохгүй байна тэр нь ч болохгүй байна гэж болох бүтэхгүйгээ яриад суух биш бүхнийг болгоё бүтээе гэсэн сэтгэл байхад хүн бүхнийг чаддаг юм шүү гэдгийг хүмүүст харуулах гэж зорьж явна даа ...
ТУРШЛАГА /12 НҮҮР/
“Айлаас эрэхээр авдраа уудал” Монгол ардын зүйр цэцэн үг
Бид гадны юм бүхнийг сайн сайхан гэж тахин шүтэж, ийм болох юмсан гэж шүүрс алдан суух цаг ард үлджээ. Монгол орны өргөн уудам тал нутагт тархан байрласан жуулчны баазууд оршин байгаа газар нутагтаа зохицон байгаль, хүрээлэн байгаа орчноо хамгаалах, эвсэг байх төрөл бүрийн арга хэрэгслийг ашиглан хэрхэн амжилттайгаар ажиллаж байгаа талаар та бүхэнд танилцуулахыг хүслээ. Хүмүүсийн зүй бус хэрэглээний нөлөөллөөс үүдэлтэйгээр дэлхий нийтийг цочирдуулж буй байгаль, цаг уурын өөрчлөлтүүд нь хүн төрөлхтөнөөс аливаа үйл ажиллагааг хүрээлэн буй орчиндоо хор хөнөөлгүй эерэгээр явуулах шаардлагыг бий болгон тийм зарчмуудын дагуух техник технологийн дэвшлүүдийг бий болгосоор байгаа билээ. Манай орны хувьд энэхүү зарчим, цаг үеийн шаардлагад нийцүүлэн үйл ажиллагаагаа явуулж буй зарим туршлагуудаас энд толилуулж байна.
ГОВЬ МИРАЖ - СЭРГЭЭГДЭХ ЭРЧИМ ХҮЧ
... Жуулчны бааз ажиллуулах нь урсгал болон тогтмол зардал өндөртэй, ашгаа удаан хугацаанд нөхдөг тул 10 км-ийн зайнаас цахилгаан татахын тулд 100 сая төгрөг зарцуулж, түүн дээрээс нэмээд хэрэглээний мөнгийг тогтмол төлнө гэхээр санаанд багтамгүй ...
Онцын тасархай – Байгаль, СОЁЛ хамгаалал
... Учир нь бид байгаль хамгаалах, байгалийг нөхөн сэргээх ажилдаа Монгол хүн бүрийн дотор хадгалагдан явдаг сүсэг бишрэл, байгаль лус савдгийг сүслэн хүндэлдэг тэр зан заншлыг ашигласан юм ...
НОЁН ТУР – Ногоон байгууламж, мод тариалалт
... мод үржүүлгийн 200000 ширхэг тарьц тарьж, 30 гаруй га газрыг “Танин мэдэхүйн цэцэрлэг” нэртэйгээр ногоон байгууламж болгон хувиргаж, манай оронд ургадаг 32 төрлийн 30000 модыг 80 хувийн амжилттай ургуулж чадлаа ...
... Хүүхэд багачууд, өсвөр насныхныг байгаль экологитой танилцуулах, танин мэдүүлэх зорилгоор “Танин мэдэхүйн жим” нэртэй хөтөлбөр гарган, мэдээллийн самбаруудыг байрлуулан явган аяллыг дулааны улиралд байнга зохион байгуулж ...
Жалман – Байгальд эвсэг бүтэц, зохион байгуулалт, шийдэл
... жуулчны баазынхаа төлөвлөлт, зохион байгуулалтыг анхнаас нь нүүх боломжтой нүүсний дараа буурин дээр маань юу ч үлдэхгүй байхаар бодож шийдсэн ...
... Гэрүүдийн ерөнхий зохион байгуулалтын хувьд эхний нүүрэнд зочдын гэр бие биеэ хаалгүй нэг эгнээнд, бага зэрэг нумарсан хэлбэрээр дугуйран байрлана ...
... дэлхий даяар зочид буудлууд 1 өрөөнд 1-2 л ортой байдагтай яг адил ...
... 5 литрийн багтаамжтай гар насос бүхий шүршүүрт усаа ...
Тойлогт – нутгийн иргэдийг дэмжих
... Орон нутгийн иргэдэд бидний үзүүлж буй шууд дэмжлэг нь:
... Хэдэн жилийн өмнөөс Монголын аялал жуулчлалын салбарт шинээр нэвтэрч эхлэсэн спорт буюу үсэргэх загасчлалын талаар /flyfishing/ АНУ-ын Frontiers, Sweetwater travel компаниудтай холбоо тогтоон энэ төрлийн жуулчдыг ...
өөрийн оронд жуулчлуулах болсноос хойш өдгөө жил б¿р тоо нь нэмэгдэж энэ тºрлийн ¿йлчилгээг т¿нш компаниудын дэмжлэгтэй дэлхийн т¿вшинд х¿ргэж идэвхитэй хамтран ажиллах болсон. Бидний Монголд нэвтр¿¿лсэн аялал жуулчлалын салбарын энэ үйл ажиллагааг Дэлхийн банк, Олон Улсын Санх¿¿гийн Корпораци \IFC\, Даян Дэлхийн Байгаль Орчны Сангаас \GEF\ дэмжиж
... Эг, Ү¿рийн голын сав газрын байгаль орчныг хамгаалах 5 жилийн тºслийг ...
... жил бүр олон улсын “Хоёр нарны хооронд” нэртэй марафон гүйлтийг Хөвсгөл нуурын эрэг дагуу ...
... үүний зэрэгцээгээр ногоон гэр төслийг ...
... Шинэ Зеланд улсын ECO water recycling компаниас 2 ширхэг ус цэвэрлэгч төхөөрөмж авч гал тогоо, ариун цэврийн өрөө зэрэг ус хамгийн ихээр хэрэглэдэг газрууддаа суурилуулсан ...
Талын нүүдэлчид – Ховор амьтдыг хамгаалж байна
Байгальд эвсэг хэлбэрээр аялах сонирхолтой жуулчдад зориулсан ийм төрлийн жуулчны баазад эко сууц чухал боловч байгаль орчин болон нутгийн иргэдийн холбоог дэмжин ажиллах нь ихээхэн чухал. Эко баазуудын тоноглол тохижилт нь нилээд ялгаатай бөгөөд энгийн майхнаас эхлээд дээд зэрэглэлийн рашааны амралт хүртэл байдаг. Бусад төрлийн зочид буудлаас эко баазын ялгарах зарим ялгаа байдаг. Ерөнхийдөө эко бааз нь нутгийн иргэдийг ажлын байраар хангадаг, түүхий эд материалыг дахин ашигладаг, сэргээгдэх эрчим хүчээр цахилгаан дулаанаа хангадаг, мод зүлгийн усалгаанд хэрэглэсэн усаа дахин цэвэршүүлж ашиглах системтэй, гал тогооны хог хаягдлыг бордоо болгон ашигладаг, жуулчид нь байгаль орчинд бага ч атугай сөрөг нөлөөг бууруулахын тулд алчуур, цагаан хэрэглэлээ өдөр бүр сольдоггүй байх зэрэг олон хүрээг хамардаг.
... аðãàëü óãàëçûí ñ¿ðãèéã Õýðëýí ãîëûí óñàíä ÷ºëººòýé îðîõ “õîíãèë” ãàðãàõ çîðèëãîîð ãîëûí ýðýã äàãóóõ àâòîìàøèíû çàìóóäûã ...
... бидний ÿí-Ãàëóóòàéä õèéñýí àæëыг үнэлж äýëõèéí ýêî æóóë÷ëàëûí õàìãèéí íýð õ¿íäòýé õîëáîî Skal International “Skal International Ecotourism Awards” øàãíàëаа 2005 онд хүртээсэн юм.
ХААН ЖИМС – ШИНЭХЭН ЖИМС БА ЦЭВЭРШҮҮЛЭХ БАЙГУУЛАМЖ
... манай цэвэрлэх байгууламж байгаль экологит хор нөлөөгүй байдлаар суурилуулагдсан бөгөөд бохир усыг 5 үе шаттайгаар цэвэрлэж 93.8 хувийн цэвэршүүлэлттэй усыг ...
... баазынхаа эзэмшлийн 4 га талбайд тариалдаг чацаргана хураалтаа 9, 11 сард хийдэг бөгөөд хураасан чацарганаараа вино, жүүс болон тос, варен хийж зочдод ...
... жил бүрийн 9-р сарын эхний долоо хоногийн амралтын өдрүүдэд Чацарганы баяр ... зочид чацаргана түүхэ оролцох ба түүсэн чацарганаа бэлгэнд авах ...
Гадаадын туршлага
Эквадорын “Хар хонь” дэлхийн шилдэг 50 эко-лоожийн нэг
Дэлхийн улс орон бүрт гайхалтай ажилч хичээнгүй хүмүүсийн хүч хөдөлмөрөөр өөдлөн дэвжиж буй аялал жуулчлалын үйлчилгээний байгууллагууд олон бий. Тэдний нэг нь Эквадорын “Хар Хонь” буудал юм. Яагаад эгэл нэртэй энэ нэгэн буудлыг онцлон авч танилцуулж байгааг гайхаж байж болох юм. Гэвч тэдний ажил үйлстэй танилцаад эхлэх тэр үед гайхаж эргэлзэх зүйл үгүй болох бизээ. Мөн тэднээс суралцах, туршлагыг нь өөрийн жуулчны баазад нэвтрүүлээд үзэхийг зөвлөж байна.
Хар хонь: Бидний гол зорилго бол эрчим хүч, ус, хоол хүнсний хэрэгцээгээ дотоодоосоо хангадаг болох бөгөөд үүнд хүрэхийн тулд бид шат дараалсан ажлуудыг тогтмол хийдэг. Үр дүнтэйгээр өөрчлөн сайжруулах гэдэг нь бидний өдөр тутмын хэвийн үйл ажиллагаандаа мөрддөг журам юм.
Органик жорлон.
Дэлхий нийтэд хамгийн түгээмэл хэрэглэгддэг жорлон бол ус татдаг жорлон. Ихэнх хүмүүсийн хувьд цэвэр усаар ялгадас цэвэрлэж урсгах нь хэвийн үзэгдэл байж болох юм. Гэвч энд маш үнэтэй хоёр нөөцийг хий дэмий урсгаж байна гэдгийг бодолцож үздэггүй. Энэ бол цэвэр ус, боломжит хөрсний бордоо хоёр юм...
Нар, салхины эрчим хүчний ашиглалт
Хар Хонь буудал хажуудаа бяцхан нууртай. Энэ нуур нь цэцэрлэгт хүрээлэн услах маш тохиромжтой усны эх үүсвэр боловч насосгүйгээр усыг шахаж гаргахад ажил ихтэй. Гэхдээ үүнийг тэд хялбархан шийдэж чаджээ ...
Хог хаягдал тэг – багасгах, дахин ашиглах
... хог хаягдлыг буудлын санаачлагаар нутгийн иргэдэд барьж өгсөн “орон нутгийн иргэдийн дахин ашиглах төв”-д хүргүүлдэг ...
... тойронд явган аялал хийхээр гарч байгаа зочид болон хөтчийг ямар нэгэн зүйл авч явахгүй байхыг хүсдэг ... хэрвээ тэдэнд юу ч байхгүй бол юуг ч хаяхгүй шүү дээ ...
Органик цэцэрлэг / хүлэмж
... Хар хонь буудал хэрэгцээнийхээ хүнсний ногоог өөрсдийн хүлэмжээс бүрэн хангаж чаддаг ...
... Хүлэмжийн тусламжтайгаар хүйтний улиралд ч хүнсний ногоогоор тасрахгүй байх боломжтой ...
Нутгийн иргэдийг дэмжих нь
... хүүхдүүдийг сурга, гудамж талбайг цэвэр үзэмжтэй байлга, харилцаа холбоо, замын сүлжээ, эрүүл ахуйн байдал, усны үйлчилгээг хүмүүст ойртуулж сайжруул ...
... хийсэн ажлуудаас товчхон танилцуубал:
· Номын сан / мэдээллийн төв
· Сургалтууд
· Аялал жуулчлал ба орон нутгийн эдийн засаг
· Хог хаягдал дахин боловсруулах төв
... Зочдын тав тухыг бүрэн хангасан энгийн болон стандарт өрөөнүүдэд хамгийн гол анхаардаг зүйл бол ор ... Хүн бөх сайхан унтаж ...
ХЭЛЭЛЦҮҮЛЭГГэр бааз, жуулчны бааз, эко лоодж, эко гэр, гэст хаус, амралтын газар, сувиллын газар гэж нэрлэгдсэн Монголын гэр хэлбэрийн байршлын хэрэгслийн мөн чанар юунд орших вэ?
Аялал жуулчлал хөгжихийн хэрээр хүч аван хүрээгээ тэлж байгаа “жуулчны” гэх тодотголтой гэрүүдэд анхаарал хандуулах шаардлага өнөө үед чухлаар тавигдаж байна. Монгол орны аль сайхан нутгийг бараадан байрласан жуулчдад үйлчлэх газрууд ямар стандарт, журмуудын дагуу ажилладаг, тэдгээр нь хэрхэн хэрэгждэг болохыг сонирхоод үзье. Стандартыг санаачилдаг, баталдаг, хэрэгжүүлдэг, үр дүнг нь хүртдэг ялгаатай онцлог бүхий салбарын мэргэжилтнүүд энэ талаар ямар бодолтой байгааг дараах хэлэлцүүлгээс уншина уу. Мөн та өөрийн саналыг сэтгүүлдээ ирүүлээрэй.
Асуултууд:
1. АЖТХС: Монголын аялал жуулчлалын үйлдвэрлэлд ашиглагдаж буй гэр хэлбэрийн байршлын хэрэгслүүдэд тавигддаг стандарт нь бодит байдалд хэрхэн хэрэгждэг гэж та үздэг вэ? Үүнийг өөрчлөх шаардлага бий юу?
2. АЖТХС: Монгол гэрийг аялал жуулчлалын үйлчилгээнд ашигладаг улс орон цөөнгүй байна. Таны бодлоор гэр бүхий жуулчны баазуудын үйлчилгээ, өрсөлдөх чадварыг олон улсын болон дотоодын зах зээлийн онцлогт тохируулан сайжруулах ямар боломжууд байна вэ?
3. АЖТХС: Жуулчны баазыг тогтвортойгоор хөгжүүлэхэд нэн тэргүүнд хийх бодит ажил юу байна вэ?
4. АЖТХС: Жуулчны баазууд болон төрийн ба төрийн бус байгууллагуудын хамгийн түрүүнд хамтарч хийх ёстой ямар ажлууд байна вэ?
Хэлэлцүүлэгт оролцсон хүмүүс:
Д.Ариунболд, Хан Хэнтийн УТХГН-ийн Мэргэжилтэн
С.Болортуяа, Говь Мираж жуулчны баазын Ерөнхий менежер
Ян Вигстен, Номадик Жөнис ХХК-ийн Маркетингийн Захирал
НМХГ-ын Аялал жуулчлал, зочид буудлын хяналтын Улсын Байцаагч Б.Цэрэнханд
ТОП /4 НҮҮР/
... National geographic journal – дэлхийн шилдэг 50 эко лоожоос түүвэрлэн оруулав. Ямар улсын эко лоожууд энэхүү жагсаалтанд орсон байна вэ??? Энэхүү лоожуудын тухай мэдээлэл, үнэ ханш, хэлбэр дизайн, байршил ...
... аялал жуулчлалын салбарынхан Монголын ямар жуулчны баазуудыг байгаль орчинд хамгийн эвсэг гэж үзэж байна вэ ??? яагаад ???
Зөвлөмж /5 нүүр/
Ногоон зарчим бизнест тань ашигтай
Аялал жуулчлалын үйлдвэрлэлд “НОГООН” зарчим хүч түрэн орж ирж таныг хүссэн ч, хүчээгүй ч өөрийн урсгалдаа нийлэхийг шаардаж байна. Учир нь таны бүтээгдэхүүн, үйлчилгээг худалдан авдаг жуулчид энэхүү “НОГООН” зарчимд хөл нийлүүлэн алхахыг хүсэх болжээ.
Тиймээс тэдний хүсэлт хэрэгцээг хангаж, зах зээлд байр сууриа бэхжүүлэхийн талд энэхүү урсгалд нэгдэх шаардлагатай. Гэхдээ үүнд та эмзэглэх хэрэггүй, энэ нь таны бизнест ч ашигтай байж дэмжлэг болно. Та өөрчлөлтийн багахан хэдэн алхмыг хийснээр үйлчлүүлэгчдийнхээ эрэлт хэрэгцээг хангаад зогсохгүй, зардлаа хэмнэж ашгаа нэмэгдүүлэх боломжтой болж байгаа юм. Ер нь бол бидний хэлдгээр нэг сумаар хоёр туулай ононо гэсэн үг л дээ. Том өөрчлөлтөд хүрэхэд ердөө л арван алхам бий. Зарим нь хөдөлмөр, цаг хугацаа шаардах боловч бусад нь маш энгийн хэсэгхэн хугацааны дараа тухайн зүйлийг хэрхэн хийж байснаа мартах болно. Тиймээс дараах алхмуудыг хийхээр оролдоод үзэхэд буруудах юун.
Эхний алхам:
Хоёрдугаар алхам:
Гуравдугаар алхам:
Дөрөвдүгээр алхам:
тавдугаар алхам:
зургаадугаар алхам:
долоодугаар алхам:
наймдугаар алхам:
есдүгээр алхам:
аравдугаар алхам:
Та эдгээр 10 алхам дээр Юуг ???, Хэрхэн ???, Яагаад ???, Хэрхэн ??? зэрэг асуултуудад хариулт аваарай ...
Судлаачийн тэмдэглэл /6 нүүр/ - монгол, англи
Монголын жуулчны баазууд – өнөө ба ирээдүй
... Эдгээр хүчин зүйлс нь төлөвлөлтгүй, хяналтгүй, нэгэн ижил үйлчилгээ бүхий хямд гэр баазуудын замбараагүй тархалт, чанаргүй бүтээгдэхүүний үндэс суурь болж байгаа бөгөөд улмаар чанарын бус үнийн өрсөлдөөнийг бий болгох, хөрөнгө оруулалт, шинэчлэлт хийгдэхгүй, хүрээлэн буй орчны нөлөөллийг орхигдуулахаас гадна дээд зэрэглэлийн байршуулах үйлчилгээ, бүтээгдэхүүний хөгжил зэрэг орхигдоход нөлөөлдөг ...
... Өөр хоорондоо ялгарал багатай, ижил төрлийн бүтээгдэхүүн үйлчилгээг адил үнээр санал болгодог жуулчны баазуудын бөөгнөрөл нь дараах сөрөг үр дагавруудтай: ...
... дэлхий нийтээр мөрдөж буй хариуцлагатай аялал жуулчлалын зарчмуудыг аялал жуулчлалын салбарт хэрэгжүүлж чадвал энэхүү нөхцөл байдал өөрчлөгдөх боломжтой. Тодруулж хэлбэл орон зайн зөв төлөвлөлт хийж аялал жуулчлалыг түүнд нийцүүлэн хөгжүүлэх ...
... орон зайн төлөвлөлтийг хийхдээ баримтлах ерөнхий зарчим ...
... жуулчдын тоог тооцож төлөвлөлт хийх нь ...
... гэр бааз нь зарчмын хувьд Монгол орны нөхцөлд хамгийн тохиромжтой технологи ...
Практикт гэр баазыг дараах байдлаар өөрчлөн шинэчилбэл зах зээлийн сэтгэл ханамжийг илүү нэмэгдүүлэх боломжтой гэж үзэж байна. Үүнд: ...
... Монгол орон аялал жуулчлалын салбарыг хөгжүүлэх арвин их нөөц, боломжтой. Энэхүү нийтлэлд дурдагдсан санааг тухайн салбарт бага ч гэсэн хэрэгжүүлбэл энэ нь жуулчдын хэрэгцээг хангах, бизнесийн таатай боломжийг бүрдүүлэхээс гадна аялал жуулчлалын салбар хариуцлагатай аялал жуулчлалын зарчмын дагуу тогтвортой хөгжихөд түлхэц болно гэж найдна.
Анди Давидсон (Баобаб Консалтинг, Австрали), 2010 оны 2 сар
No comments:
Post a Comment