"АЯЛАЛ ЖУУЛЧЛАЛЫН ТОГТВОРТОЙ ХӨГЖЛИЙН ТӨВ"-ИЙН ХЭРЭГЖҮҮЛЖ БУЙ ЕВРОПЫН ХОЛБООНЫ "НУТГИЙН ИРГЭДЭД ТУЛГУУРЛАСАН" АЯЛАЛ ЖУУЛЧЛАЛЫН ТӨСЛИЙН ДАГУУ ЕВРОПЫН 3 ТУР ОПЕРАТОР КОМПАНИЙ ЗАХИРЛУУД ТАНИЛЦАХ АЯЛЛААР ИРСЭН ЮМ. 
БИД ТЭДЭНД ГАРГАЖ ӨГСӨН МАРШРУТЫН ДАГУУ УБ - МОЛЦОГ ЭЛС - ХУСТАЙН НУРУУ - БУЛГАН АЙМГИЙН ГУРВАНБУЛАГ /МОНГОЛ ЭЛС/ - ХӨГНӨ ТАРНА /ЭЛСЭН ТАСАРХАЙ/ ГЭСЭН МАРШРУТААР 4 ХОНОГИЙН ТАНИЛЦАХ АЯЛАЛ /FAM trip/ ХИЙГЭЭД ИРЛЭЭ.
ЭХНИЙ ОЧСОН ГАЗАР МОЛЦОГ ЭЛСНИЙ БАРУУН ТАЛД, ХУСТАЙН НУРУУНЫ БАЙГАЛИЙН ЦОГЦОЛБОРТ ГАЗРЫН "СЭРТЭН" ХЭМЭЭХ НӨХӨРЛӨЛ. ТЭР ЦААД ДУНД ХАРАГДАЖ БАЙГАА ШАРГАЛ, НОГООНТОЙ НЬ МОЛЦОГ ЭЛС. ЯГ БАРУУН ТАЛД НЬ "МОЛЦОГ ЭЛС" ГЭДЭГ НЭРТЭЙ ЖУУЛЧНЫ БААЗ БАЙГАА. ЭЛСНИЙ ЗУРГИЙГ БАРУУН ТАЛААС НЬ САЙХАН АВНА ГЭЖ БАЙХГҮЙ, ЭНЭ НЭГ БААЗ НЬ КАМЕРТ ОРООД САЛАХГҮЙ...
ХООЛ БОЛТОЛ ШИЙР ЗУГАА, ХОРХОГ БОЛТОЛ ОЙР ЗУУРЫН ЯРИА ХӨӨРӨӨ ЗУГАА. ЗАРИМ НЬ БИЗНЕСЭЭ ЯРИАД Л, СОНИН САЙХНЫГ ДУУЛААД Л, ЗАРИМ НЬ СОНИРХСОН ЗҮЙЛСЭЭ АСУУГААД Л, ЗААГААД Л, ЗАРИМ НЭГ НЬ МОНГОЛ НУМ СУМААР ХАРВАЖ ҮЗЭХ ГЭЭД Л.
БЭЛЭН БОЛСОН ХОРХОГОН ӨДРИЙН ХООЛ. ГАДНЫХАН ТЭР БҮР, ЯЛАНГУЯА ДӨНГӨЖ ИРСЭН ДАРУЙДАА ИХ ИДЭЖ ЧАДДАГГҮЙ БААХНЫГ НЬ ҮЛДЭЭЧИХДЭГ УЧИР ХЭР ТААРУУХАН БАЙХАД Л ТАС ГЭЖ БАЙГАА. ЖААХАН ХАТУУГ ЭС ТООЦВОЛ ЭНЭ ЖИЛИЙН ЭХНИЙ ХОРХОГ САЙХАН Л БАЙНА ЛЭЭ ХӨӨРХИЙ. /хөөрхий тэр хонь/
7 ДУГААРТАЙ ШИВЧЕНКО ХУРДАН АЛАГ МОРЬ УНАСАН НЬ.
ЭНЭ НӨХӨРЛӨЛ БИДЭНД ЖУУЛЧДАД ҮЗҮҮЛДЭГ МИНИ НААДМЫН ЗАХ ЗУХААСАА ТАНИЛЦУУЛСАН ЮМ. ГУРАВХАН ГАДААД БАЙСАН БОЛОХООР МИНИ НААДАМ НЬ БҮР "МИНИ" БАЙСАН. ХОТЫН 2 ШИВЧЕНКО, ХӨДӨӨНИЙ 2 ХҮҮХЭД ГЭЭД 4 МОРЬ УРАЛДАЖ ҮЗҮҮЛСЭН. ОЙРОЛЦООГООР 5 ОРЧИМ КМ ЗАЙНААС УРАЛДУУЛСАН. БИДНИЙ ӨМНҮҮР ХӨНДЛӨН МАЯГТАЙ УРАЛДУУЛСАН БОЛОХООР ХАЖУУНААС НЬ ХАРАХАД САЙХАН БАЙСАН.
ЭНЭ ХӨХ ДЭЭЛТЭЙ ЛУТ НӨХӨР ЧИНЬ УГ НЬ ЭМЭГТЭЙ, ТЭГЭЭД 2 НАСТАЙ, ГЭХДЭЭ МОРЬ УНАХ ИХ ДУРТАЙ. УГ НЬ ДАХИАД НЭГ ЖИЖИГХЭН ШАР НӨХӨР БАЙСАН, ТЭР НЬ ТАС ҮСРЭЭД УНТААД ҮЛДСЭН, ГЭРТЭЭ. ЭНЭ НӨХӨР ЭМЭЭЛЭЭ ХАЖУУДАА ТАВЬЧИХААД Л, НӨХДҮҮД УНАХ ГЭЖ БАЙСАН МОРИЙГ НЬ УНАЧИХСАН БОЛОХООР ХАРААД Л ...
МУУХАЙ ХАРААД Л... МОРИО НЭХЭЭД Л
ТЭГЭЭД МОРЬД Ч ТЭЭ ТЭНДЭЭС ШОРОО ТАТУУЛААД ЭРГЭСЭН, МИНИЙ ХЭРЭГЛЭЖ БАЙСАН АППАРАТНЫ ЗАЙ Ч ДУУССАН. АЯЛЛЫН БЭЛТГЭЛ ЁСТОЙ МУУ ХАНГАСАН БАЙГАА БИЗ. ГАРААД ДӨНГӨЖ ХАГАС ӨДӨР БОЛЖ БАЙХАД ШҮҮ. МОРЬД ИРСЭН, СУР ХАРВАСАН, 2 БӨХ 3 УДАА БАРИЛДСАН, ДАРАА НЬ ХУСТАЙ БААЗ ДЭЭР ОЧСОН, ОРОЙ НЬ ЯВЖ ТАХЬ ХАРСАН, ЗАМДАА ТАРВАГА ХАРСАН, 10:00 ЦАГААС ХӨЛБӨМБӨГИЙГ МАШ ЖИЖИГХЭН ЗУРАГТААР ҮЗСЭН, ЭНЭ БҮГДИЙГ УГ НЬ ХАЛЬСАНДАА БУУЛГАХ БАЙСАН ЮМ...
ФУРГОН МАШИНААР ЯВСАН ЮМ, УГ НЬ ЕВРОПЫН ТУР ОПЕРАТОРУУДЫН ЗАХИРАЛ ГЭЭД ГОЁ МАШИНААР ЯВЖ БОЛОХ. ГЭХДЭЭ ТЭД НАР ӨӨРСДӨӨ ЖУУЛЧИД ИЛГЭЭХ УЧРААС ТЭД НАР ЯМАР МАШИНААР ЯВДАГ, ЯМАР ҮЙЛЧИЛГЭЭ АВАХ ТЭР БҮГДИЙГ НЬ ӨӨРСДӨӨ БАС АДИЛХАН ХҮРТЭЖ БАЙЖ Л ЗӨВ МЭДЭЭЛЭЛ, ЗӨВЛӨГӨӨ, АЯЛЛЫН БҮТЭЭГДЭХҮҮНИЙГ ТЭДЭНД САНАЛ БОЛГОНО ГЭДЭГ ҮҮДНЭЭС ...
ТӨВ АЙМГИЙН ЛҮН СУМ, ТУУЛ ГОЛЫН ГҮҮРНИЙ НААНА. АЯЛЛЫН ХУГАЦААНД ЕР НЬ ХАЛУУН ӨДРҮҮД ҮРГЭЛЖИЛЖ БАЙЛАА. БОРОО БАРАГ ОРСОНГҮЙ. ГАНДАХ ТИЙШЭЭГЭЭ ХАНДСАН БАЙСАН.
БИ Ч УГ НЬ ХЭДЭН АДУУТАЙ Л ХҮН ЮМ БАЙГААН, ГЭХДЭЭ Л УНАГАНЫ ХҮЗҮҮНЭЭС ДАЛНЫ ЯС УЯДАГ НЬ ЯМАР УЧИРТАЙГ БАС Л САЙН САНАХГҮЙ ЮМ, ХАНГАЙН АМЬТАН ЗЭРЭГ ГАДНЫ НӨЛӨӨЛЛӨӨС Л ХАМГААЛДАГ УЧИРТАЙ БАЙХ. ДАШРАМД ХЭЛЭХЭД ЖУУЛЧДЫН 2 НЬ ГОЛЛАНДААС, 1 НЬ ГЕРМАНААС ИРСЭН ЮМ. ДАХИАД ДАШРАМД ХЭЛЭХЭД ГОЛЛАНДАД 1 МОРЬ 5000 ЕВРО ОРЧИМ ҮНЭТЭЙ БАЙДАГ ГЭСЭН. МАНАЙД БОЛ ОДОО ДУНДАЖААР 250.000 ТӨГРӨГ ОРЧИМ БАЙГАА ЮМ БИЛЭЭ. НАМАЙГ ХЭДЭН МОРЬТОЙ ВЭ ГЭХЭЭР НЬ 5 ГЭСЭН, ТЭГЭЭД "JUST RIDE FOR FUN?" ГЭХЭЭР НЬ "YES" ГЭСЭН ЧИНЬ "OH, YOU ARE VERY RICH MAN" Л ГЭЭД БАЙСАН.
ХӨДӨӨ, ЯЛАНГУЯА ЦӨӨН ЖУУЛЧИДТАЙ ЯВЖ БАЙГАА ҮЕД ЗУРАГ АВАХ, ЗУРАГ АВАХ ГЭЭД ЗОГССОН ҮЕД НУТГИЙН ХҮМҮҮС ИРЖ ХУУЧ ХӨӨРӨХ ЗЭРГЭЭР БАГАГҮЙ ЦАГИЙГ АВНА. УГ НЬ БОЛ ХУГАЦААГ НЬ САЙХАН БОДОЖ АЯЛЛЫН ХӨТӨЛБӨРӨӨ ГАРГААД ЗУГУУХАН ЯВАХ НЬ Л САЙХАН.
ШАНАГАН ХОРХОЙ, TOO MANY
БАЯН НУУР ГЭЖ НЭГ САЙХАН ӨНДӨР ЗЭГСТЭЙ НУУР БАЙНА. САЙХАН НУУР
ЗУРГИЙГ "ГОЁ" АВЧ СУРАХ ГЭЭД Л ЯНЗ БҮРЭЭР ОРОЛДООД БАЙГАА НЬ ТЭР. ГЭХДЭЭ ЗУРАГ ГОЁ АВЧ СУРАХ ХАМГИЙН ЭНГИЙН, ТЭГЭЭД Ч САЙН АРГА БОЛ ... /үргэлжлэл нь хамгийн сүүлд байгаа/.
ДАШИНЧИЛЭН СУМЫН ТӨВ ДЭХ ЦАЙНЫ ГАЗАР, 3, 3 ШИРХЭГ ХУУШУУР ИДЭВ. ТОС БАГАТАЙ, ТЭДЭНД БОЛ ЯГ САЙХАН ТОХИРСОН ХУУШУУР БАЙСАН. АРАЙ Л БАГАДУУЛЧИХСАН. БАС ГАР УГААХ ХЭСЭГТЭЙ БОЛЖ Л БАЙНА.
ХУУШУУР, КОФЕ, ЦАЙ, МОНГОЛЫН ТУХАЙ НОМ /MONGOLEI, LONELY PLANET/
ЭНЭ БАС НЭГ 8 ДУГААРТАЙ ТАМИРЧИН, "ЛАН" ГЭСЭН БАЙХАА. ЭНД ТЭНДГҮЙ ХӨЛБӨМБӨГ. ТА НАР ДАРАА ЭНЭ ЗҮГ ЯВБАЛ ТӨВДӨӨ 1 Л ЦАЙНЫ ГАЗАР БАЙСАН ШҮҮ.
ЗА ИНГЭЭД ОРОЙ МОНГОЛ ЭЛСНИЙ ХОЙД ҮЗҮҮР БОЛОХ БУЛГАН АЙМГИЙН ГУРВАНБУЛАГ СУМЫН УРАГШАА 10 ОРЧИМ КМ ЗАЙТАЙ ГАЗАРТ ИРЧИХСЭН БАЙГАА НЬ. ЭНД НУТГИЙН АЙЛУУДЫН НИЙЛҮҮЛЖ ЗОХИОН БАЙГУУЛЖ БАЙГАА ЖУУЛЧНЫ 5 ГЭР, 1 ЗООГИЙН ГАЗРЫН ГЭРЭЭС БҮРДСЭН ЖИЖИГ /БААЗ ГЭЕ/ БААЗ ҮЙЛ АЖИЛЛАГААГАА ЭХЛЭЭД БАЙГАА ЮМ. ЭНЭ ОРЧИМ БАЙРЛАХ АЙЛУУДААС ЖУУЛЧДАД ҮЗҮҮЛЭХ ҮЙЛЧИЛГЭЭГ АВДАГ, АЙЛ БҮР ӨӨР ӨӨР ҮЙЛЧИЛГЭЭ ҮЗҮҮЛНЭ. НОГОО ТАРЬДАГ АЙЛ БАЙНА, ҮХЭР ТЭРГИЙГ ЗОХИОН БАЙГУУЛДАГ АЙЛ БАЙНА, МОРЬ УНУУЛДАГ АЙЛ БАЙНА, ҮНЭЭ МАЛ СААЛЬ СҮҮГ ХАРУУЛДАГ АЙЛ БАЙНА, ЖУУЛЧДЫГ ГЭРТЭЭ ЗОЧЛУУЛДАГ АЙЛ БАЙНА ГЭХ МЭТ.
НҮҮДЛИЙН ГЭР НОМЫН САН, ГУРВАНБУЛАГИЙН БААЗЫН АЖЛЫГ ЕРӨНХИЙД НЬ ЗОХИОН БАЙГУУЛЖ БУЙ ЗАЛУУ БОЛОН МИНИЙ БИЕ. ТЭЭР ЦААНА ХАРАГДАЖ БАЙГАА НЬ "МОНГОЛ" ЭЛС. ЭНДЭЭС ЭХЛЭЭД Л ХӨГНӨХАН УУЛЫН БАРУУН ТАЛААР ТАРНЫ ГОЛТОЙГОО ЗЭРЭГЦЭЭД 80 ОРЧИМ КМ ҮРГЭЛЖИЛДЭГ ЭЛС. ТАРНЫН ГОЛ МААНЬ ХОЙШ УРССААР ХАР БУХЫН ГОЛТОЙ ОЧИЖ НИЙЛНЭ. БАС УС НЬ БАГАССААР СУМЫН ТӨВИЙНХӨӨ ХАЖУУХАНД ШИРГЭДЭГ БОЛСОН БАЙНА БИЛЭЭ.
ЭНЭ МУШГИРАЛДСАН, ОЛОН ХҮН МАЛ, УРГАМЛЫГ УНДААЛСАН ГОЛ ЧИНЬ ТАРНЫН ГОЛ ШҮҮ ДЭЭ. ТЭР УРД ЗҮГ РҮҮ 50 ОРЧИМ КМ ЯВААД ЭЛСЭН ТАСАРХАЙ БАЙГАА. ЭНЭ ЗУРГИЙН ХУВЬД ЗҮҮН ГАР ТАЛД НЬ МОНГОЛ ЭЛС, ТҮҮНИЙ ДАХИАД ЗҮҮН ТАЛД НЬ ХӨГНӨХАН УУЛ БАЙГАА.
"НАР ЖАРГАЖ БАЙХ ҮЕС, ТАРНЫН ГОЛЫН ШИРЭГ ДЭЭР ХОНЬ ИДСЭЭР Л" ГЭДЭГ НЭРТЭЙ ЗУРАГ.
ЭНЭ ХАВЬД МОДТОЙ УУЛ БАЙХГҮЙ, ЭЛСЭЭ ДАГААД ХАЙЛААС Л БАЙНА.
МОД БАЙХГҮЙ, ХОЛ УЧИР ТУГЛАА ЗЭЛЛЭСЭН БАЙНА. /ХАШАА БАЙХГҮЙ/. ҮЙЛЧЛҮҮЛЭГЧИЙНХЭЭ ЮУ ХИЙХИЙГ ӨӨРИЙН БИЕЭР ТУРШИЖ БУЙ ДАРГА. УГ НЬ ӨГЛӨӨ 5 ЦАГААС ҮНЭЭГЭЭ СААДАГ АЙЛ. ЭД НАРТ ХАРУУЛАХЫН ТУЛД 2 ҮНЭЭГЭЭ АВЧ ҮЛДСЭН ЮМ. ЯЛАНГУЯА ӨНДӨР ХҮМҮҮС ҮНЭЭ СААЖ ҮЗЭХЭД ЖИЖИГ САНДАЛ ДЭЭР ТОГТОЖ СУУХ НЬ ХЭЦҮҮ БАЙДАГ. УНАЧИХ ГЭЭД Л, ӨВДӨГ НЬ ТУЛААД Л.
ЗА МАНАЙ БАЙГУУЛЛАГЫН НӨГӨӨ ХЭРЭГЖҮҮЛЖ БУЙ "НҮҮДЛИЙН ГЭР НОМЫН САН" ТӨСӨЛ ЭНЭ. 2009 ОНООС БУЛГАНД БАЙРЛАЖ БАЙГАА, ЭНЭ ЖИЛ МӨН ТЭНДЭЭ БАЙГАА, ИРЭХ ЖИЛЭЭС СЭЛЭНГЭ АЙМАГТ ХЭРЭГЖҮҮЛЭХ ТӨЛӨВЛӨГӨӨТЭЙ.
ХҮҮХДИЙН НОМНУУД, ЭСГИЙГЭЭР УРЛАСАН ХӨЛӨГТ БОЛОН БУСАД ТОГЛООМНУУД, ШАГАЙ ГЭЭД ЮМ ЮМ БИЙ. СУМЫН ТӨВИЙН ДЭРГЭД БАЙРЛАХ ХУГАЦААНД ХҮҮХДҮҮД ӨДӨР БҮР ДҮҮРЭН БАЙДАГ. ТЭДНИЙ ХАМГИЙН ИХ НЭХДЭГ ЗҮЙЛС НЬ: "ЧИНГИС ХААН КОМИКЫН СҮҮЛИЙН ДУГААРУУД ИРЭХГҮЙ ЮМУУ", "ЗААН ЗАЛУУДАЙ ДАХИЖ ГАРААГҮЙ ЮМУУ", "ЦҮНДЭЭЛЭЙ ЦОНДООЛОЙ ХОЁРЫН ШИНЭ ДУГААРУУДЫГ ҮЗЬЕ Л ДАА" ГЭЭД Л ӨДӨР БОЛГОН НЬ НЭХДЭГ ГЭСЭН. НАМАЙГ ОЧИХОД БАС Л НЭХЭЖ БАЙНА БИЛЭЭ.
ХҮҮХДҮҮДИЙН ХАМГИЙН ИХ УНШДАГ НОМНУУД. БИД ЗАРИМЫГ НЬ ХУДАЛДАЖ АВЧ ЯВУУЛДАГ ЮМ. БАС ЗАРИМ БАЙГУУЛЛАГУУД Ч БИДЭНД ХАНДИВ БОЛГОЖ ОЛОН САЙХАН НОМНУУД ӨГДӨГ ЮМ. ЯГ НОМ УНШААД, ШИНЭ НОМ НЭХЭЖ БАЙГАА, ТОГЛОЖ БАЙГАА ХҮҮХДҮҮДИЙГ ХАРАХААР ГОЁ ЮМ БАЙНА ЛЭЭ.
НУТГИЙН ЗАЛУУЧУУД МОРЬ УУРГАЛЖ, ЭМНЭГ СУРГАЖ ҮЗҮҮЛЖ БАЙГАА НЬ. ЗАРИМ НЬ БУЛГИХГҮЙ ШУУД Л ДАВХИАД ЯВЧИХНА.
АЖИГЛААД БАЙХАД МОД ИХТЭЙ ГАЗРЫНХАН БУГУЙЛ, МОД БАГАТАЙ ГАЗРЫНХАН УУРГА ИХ АШИГЛАХ ЮМ. ЯМАР УЧИРТАЙ ЮМ БОЛ. УУРГАЛААД Л, НАРИЙН ХҮЗҮҮГЭЭР НЬ ОРУУЛААД Л, ГУД ТАТААД Л...
ЗАРИМ МОРЬ НЬ ХУДЛАА ОРИЛООД Л ДООРОО ДЭВХРЭЭД БАЙНА. ААШ МУУТАЙН Л ШИНЖ БАЙХ ДАА.
ДАРААГИЙН ҮЙЛ АЖИЛЛАГАА НЬ ГЭР БУУЛГАЖ БАЙГААД БУЦААГААД БАРИХ. 7 ХАНАТАЙ ГЭР, ХАНА НЬ ИХ БОГИНОХОН БОГИНОХОН ЮМ БИЛЭЭ. ЖУУЛЧИД ИЙМЭРХҮҮ ҮЙЛ АЖИЛЛАГААНД МАШ ИХ ДУРТАЙ ШҮҮ. ЭНД УГ НЬ 1,2,3 ГЭЭД ШИДНЭ ГЭЖ БАЙГААД МАНАЙ МОНГОЛ ЗАЛУУ 2-ЫН ТООН ДЭЭР ШИДЧИХСЭН. ТЭГЭЭД САЙН ДЭЭШЭЭ ЯВААГҮЙ. ДАРАА НЬ БОЛ ХАРИН САЙН ШИДСЭН.
ҮДЭЛТИЙН ОРОЙН ЗООГ БА ДУУ ХУУР. АЙРАГ ГАРААГҮЙ. АРХИ БАЙХГҮЙ. ӨӨР ЮМ АЯГАНД ХИЙЖ ЯВУУЛААД Л ДУУЛААД БАЙГАА ЮМ ДАА. ХҮН БҮР ДУГАРАА БАРЬСАН. ГОЛЛАНД 2 ТӨРИЙН ДУУЛЛАА ДУУЛСАН, ГЕРМАНЫ НӨХӨР СҮМИЙН ДУУ ДУУЛСАН, БИД НАР "ХАЛУУН ЭЛГЭН НУТАГ - ААС ЭХЛЭЭД ААВ, ЭЭЖ, МОРИНЫ ТУХАЙ ДУУНДУУДАА ДУУЛСАН.
МАРГААШ НЬ, ХОТ РУУ БУЦАХ ЗАМ ДАГУУ. ЭЛСЭН ТАСАРХАЙ ДЭЭР ХОЙНООСОО ИРЖ БАЙГАА НЬ. ЦААНА ХӨГНӨХАН УУЛ. НОГООН УРГАМАЛ, ЭЛСЭН ТАРАМЦАГ, ХӨХ УУЛ, ХАР УУЛ... БАЙГАЛИЙН ОЛОН ЗОХИЦОЛЫГ ХАЛЬСАНДАА БУУЛГАХ ГЭЖ БУЙ ЖУУЛЧИН.
МАШИН ИРЭЭД Л ЗАМ ДЭЭР ЗОГСОНГУУТ БҮСЛЭЭД АВСАН. НЭГ НЬ "SUSTAINABLE CAMEL RIDING" ГЭЖ БАЙГАА ДУУЛДСАН. БИ Л ЛАВ ДЭЛГҮҮР, ЗАХ ДЭЭР ОЧИХООР ХУДАЛДАГЧ НАР ТАЛ ТАЛААС ЮМ АСУУГААД, ЗУЛГААГААД УНАХААР ДУРГҮЙ ХҮРЭЭД ХАРИН Ч ДУУГҮЙ БАЙГАА, ЦААНА БАЙГАА ХҮНЭЭС НЬ ЮМ АВМААР САНАГДААД БАЙДАГ ЮМ. ЭД НАР Ч ЯГ АДИЛ. БИ ТЭЭР ЦААНА БАЙГАА, ТОМООТОЙ БАЙГААД БАЙГАА ТЭР ХҮНИЙ Л МОРЬ, ТЭМЭЭГ УНАХЫГ ЭРХЭМЛЭНЭ.
ЗАМД УЛБАР ШАР ЮМ ТААРАХ Л ЮМ БОЛ "THIS IS DUTCH ..." ГЭДЭГ ЮМ. ЭНЭ БАС Л "DUTCH GER" ЮМ ГЭСЭН.
VULTURE.
энэ өнөөх алдарт Лүнгийн зам, хөөрхий энэ Дамба-Очир гэдэг хүн мөн ч олон хүний ...... идэх юмдаа. Удахгүй байхөө дөө хөөрхий. Олон ч хүний нус нулимс, үглээн яншаан, Байгаль эхийг ч мөн зовоож байна даа, арьс үсийг нь их зулгааж байна даа хөөрхий. Энэ хүн удахгүй ээ, яаж л жаргаа аж хөөрхий минь. Нээрээ энэ замаар явах гэж байгаа хүмүүс болгоомжтой, хурдаа тааруулж явахгүй бол гэнэт гэнэт замын голд муухай том хонхор, нүхнүүд байна билээ шүү.
NOMAD LIBRARY - LITTLE DEAR READERS ...
... ХҮМҮҮСИЙН ГОЁ ГЭСЭН, ХҮМҮҮС СОНИРХООД ҮЗЭЭД ГОЁ ГЭЖ МАГТААД БАЙГАА, ГОЁ ГОЁ СЭТГҮҮЛ ДЭЭР ГАРААД БАЙГАА ТЭР ГОЁ ЗУРГУУДЫГ Л ХАРААД БАЙХ, ЯГ ТИЙМЭРХҮҮ ЗУРАГ БУУЛГАХЫН ТУЛД ТА ХЭЗЭЭ, ХААНА НЬ, ХЭРХЭН ЗОГСОЖ БАЙГАА, ЯГ АЛЬ ХЭСГИЙГ НЬ, ЯМАР БАЙРЛАЛТАЙ БОЛГОЖ БАЙГААД, ЮУГ ДАВХЦУУЛААД АВАХ ВЭ Л ГЭДЭГ ЧУХАЛ. ТЭРЭНД НЭЭХ ИХ НУУЦ БАЙХГҮЙ. УРАН СЭТГЭМЖ, ТОЛГОЙДОО ТӨСӨӨЛӨХ Л ХЭРЭГТЭЙ. МАШ ХУРДАН.
by Byambaa
No comments:
Post a Comment